
那洛巴大师教言集NARO13སྙིང་རྗེ་སྒོམ་པའི་བྱིན་རླབས།
1-2-16a

༄༅། །སྙིང་རྗེ་སྒོམ་པའི་བྱིན་རླབས།
༄། །སྙིང་རྗེ་སྒོམ་པའི་བྱིན་རླབས་བཞུགས་སོ། །རྒྱ་གར་སྐད་དུ། ཀ་རུ་ཎ་ཨ་དྷི་ཥྛ་ན་བྷ་བ་ན་ནཱ་མ། བོད་སྐད་དུ། སྙིང་རྗེ་བསྒོམ་(སྒོམ་)པའི་བྱིན་རླབས་ཤེས་བྱ་བ། བླ་མ་དམ་པ་རྣམས་ལ་ཕྱག་འཚལ་
ལོ། །བླ་མའི་བྱིན་རླབས་ཐོབ་འགྱུར་བས། །སྐད་ཅིག་གཅིག་ལ་མཉམ་པར་རྟོགས། །རྒྱུད་སྡེ་རྣམས་ལ་མི་གསལ་བས། །སྙིང་རྗེས་བསྒོམ་པའི་ཉམས་ལེན་བཤད། །རྣལ་འབྱོར་དེ་
ནི་དྲན་བྱས་ནས། །མཚན་བཅས་མཚན་མེད་རང་བཞིན་གྱིས། །སྙིང་གའི་དབུས་སུ་ཐིག་ལེ་ནི། །མུན་པའི་རབ་རིབ་བསལ་གྱུར་པ། །ཟླ་རྩེའི་སྟེང་དུ་བསམ་པར་བྱ། །རང་བཞིན་བདག་པོ་རོལ་
1-2-16b

མཛད་པ། །དྲག་པོའི་གཟི་བརྗིད་ཕྲེང་བས་བརྒྱན། །ཧེ་རུ་ཀ་དཔལ་མགོན་པོ་ཆེ། །བདུད་བཞི་ལས་ནི་རྣམ་པར་རྒྱལ། །ལྷན་ཅིག་སྐྱེས་པའི་དུར་ཁྲོད་གནས། །བདེ་བ་ཆེན་པོའི་དགའ་བའི་
མཆོག །རོ་མྱོང་ལོངས་སྐུ་བྱང་སེམས་ལྡན། །ཡི་གེ་རྒྱུ་མེད་ཡང་དག་གསུངས། །ལྷ་སྒོམ་ཕྲེང་སྔགས་མཚམས་གཅོད་དང་། །སྦྱིན་སྲེག་ཀློག་སོགས་དགོས་པ་མེད། །རྟོག་པ་རྣམས་ནི་
སྤང་བྱས་ནས། །འཇིགས་མེད་སྙིང་རྗེ་བསྐྱེད་-པར་-བྱས། །སློབ་མ་དང་ནི་བདག་ཉིད་ཀྱི། །སྙིང་གར་བསྒོམས་པས་ཡེ་ཤེས་ནི། །ཐམས་ཅད་མཁྱེན་དང་མཉམ་པར་འགྱུར། །དེ་ཉིད་རྟོག་པས་ཡང་
དག་འཕྲད། །རྫུ་འཕྲུལ་བཞི་དང་ས་བཅུ་ཐོབ། །ནམ་མཁའ་སྤྱོད་དེ་མི་སྣང་འགྲུབ། །སྐྱེ་བ་དྲན་ཞིང་རང་སེམས་རྟོགས། །འདས་དང་མ་འོངས་ད་ལྟ་ནི། །རང་རིག་གཞན་རིག་ཐམས་ཅད་སྐྱེ། །
མགལ་མེའི་འཁོར་ལོ་བསྐོར་བ་ལྟར། །སྣ་ཚོགས་སེམས་ཀྱི་རང་བཞིན་གྱི། །ཉམས་སྐྱེས་རྣལ་འབྱོར་གྲུབ་པ་ཐོབ། །སྙིང་རྗེ་བསྒོམས་(སྒོམ་)པའི་མན་ངག་ཅེས་བྱ་བ། སློབ་དཔོན་ཏིལླི་པས་མཛད་པ་རྫོགས་སོ།། །།


目录
སྙིང་རྗེ་སྒོམ་པའི་བྱིན་རླབས།